..............baarish ka jamana yaad aa gaya!!

Vo Kaagaj ki naav ko yuhi tairana, Vo nirvastra bacho ka bhigate huve khilkhilaana,
Vo maa ka daant te huve apne aanchal se sar pochna, Vo baarish ka strot kaha hai sochna,
Aaj fir vo fasana yaad aa gaya, Lo aaj fir vo baarish ka jamana yaad aa gaya!!

Vo baarish se bhigi mitti ki khusbu, vo har pal har ghadi mausam suhana, 
Vo chai ki chuski ke sath gungunana,  Vo raashto pe kichad ka tanabana,
Aaj fir vo fasana yaad aa gaya, Lo aaj fir vo baarish ka jamana yaad aa gaya!!

Vo ghanto khidki se bematlab jhakna, Vo logo ka raashto me bhagna, 
Vo apne se lambe raincoat me dhake bacche, Vo paani ke gaddho se chite udaana,
Aaj fir vo fasana yaad aa gaya, Lo aaj fir vo baarish ka jamana yaad aa gaya!!

Vo paani me bhigi pyaari si ladki, uljhi lato ko uska maathe se hatana, 
vo bhigi si saanse, vo bhige si dhadkan, vo bhige se tum aur vo bhige se hum,
Aaj fir vo fasana yaad aa gaya, Lo aaj fir vo baarish ka jamana yaad aa gaya!!

Vo bachpann, ladakpann, vo mausam suhana, jeevan ki aapadhapi me bhul raha hai Jamana, 
Maa ka aanchal hai par waqt kaha hai, Bacche to hai par khilkihalte kaha hai,
Khidkiya, darwaje sab band hi rehte hai, gaddho se kichad se log bachke nikalte hai,
Vo ladki bhi ab kahi dikti nahi hai, yaadein bhi uski dhundhli hui hai,
Yaadon ne ghera bahut dino baad kuch aisa, ki mausam hi kuch lagg raha shaayerana
Aaj fir vo fasana yaad aa gaya, Lo aaj fir vo baarish ka jamana yaad aa gaya!!

-Vabs

Another one in Hindi.....

Umra se lambe, Kuch kachhe kuch pakke, Uche-niche, kathor aur kankar bhare raashto se hoke aya hu...

Bahut durr chala aaya hu!!!

Navjaat kilkariyon, Bachpann ki maasumiyat, Ladakpann ki khushaliyon se jawani ke dehleej tak aaya hu..

Bahut durr chala aaya hu!!!

Subah se shaam, Shaam se raat aur raat se subah tak sab kuch dekhta aaya hu....

Bahut durr chala aaya hu!!!

Dosti se Vishwaas, Rishto se mithas, Mohabbat se ehsaas, duniyaa ke chalave bhi bhaap aaya hu....

Bahut durr chala aaya hu!!!

Chah ke bhi ruk nahi sakta, Gujra waqt dhundh nahi sakta, Mudd ke dekhna bhi mushkil kar aaya hu...

Bahut durr chala aaya hu, Bahut durr chala aaya hu!!!!

-Vabs

Yadyapi Chala Gaya Hu Mai....

Aag se angaro se salamat raha hu mai...
Par inn Chingaryio se jala hu mai..Yadyapi chala gaya hu mai!!

Har modd pe, har raah pe, Gumraah kiya gaya hu mai,
Yadyapi chala gaya hu mai!!

Tere jhuthe vaado se, teri kasmo aur iraado se, 
rusva hua hu mai, Yadyapi chala gaya hu mai!!

Har waqt, har lamhe, har saas pe ye dua, 
tu khus rahe, abaad rahe, bas yahi fariyaad rahe.. Yadyapi chala gaya hu mai!!
Yadyapi chala gaya hu mai!!


-Vabs

Thanks......

Today marks an end of another year from my Life; Optimistic approach would be to say this day marks beginning of a new year in my life. Beginning of new aspirations, new goals, new friendships, new issues, new resolutions. But like all years of my life, I know directly or indirectly this year will bring a lot of experiences( Good or bad that's another side of story ) and will take me one step forward to understand life, Part and Parcels of life and to deal with them. 

Having said all this, I want to show my gratitude towards each and every person with whom I encountered or had a rendezvous with. Some gave me happiness and admiration and few gave me experience(You know what I mean ;-) ).  

When I first came to this beautiful world, I didn't know anything not even the fact that I will be "Vaibhav Shukla", but now I know one thing for sure, without you guys I would not be the same person what I am right now. So, I want to thank all my friends, colleagues and above all to my family for supporting me all my life.

Special mention for my mother: We will always be connected 9 more months than anybody else ;-)

Thanks. My Love and blessings to all...

-Vabs